دەنگ نێت

 

پێش ‌ساڵێك‌ پۆلیسێك له‌ ناحيه‌ی زینانە لەلایەن تۆمەتبارێکەوە كوژرا،‌ تاوه‌كو ئێستا بكوژه‌كه‌ى ده‌ستگیرنه‌كراوه‌، وته‌بێژى پۆلیسى گه‌رمیانیش ده‌ڵێت: بكوژه‌كه‌ هه‌ڵهاتوه‌ بۆ دەرەوەی هەرێم.

 

رۆژی ٥ـی ئەیلولی ٢٠٢٣، لەکاتی هەوڵدان بۆ دەستگیرکردنی تۆمەتبارێک لەلایەن مەفرەزەیەکی پۆلیس لەناحیەی زینانەی سەر بە ئیدارەی گەرمیان، تۆمەتبارەکە بە تفەنگ دەستڕێژی لە مەفزرەزەکە کرد و بەوهۆیەوە پۆلیسێک گیانی لەدەستدا. دوای روداوەکەش تۆمەتبارەکە هەڵهات و لەوکاتەوە دەستگیر نەکراوە.

 

عه‌لى جه‌مال قه‌دورى، وته‌بێژى به‌ڕێوبه‌رایه‌تى پۆلیسى گه‌رمیان، لەبارەی دواین زانیاریی سەبارەت دەستگیرکردنی تۆمەتبارەکەوە، بۆ رادیۆى ده‌نگ وتی: تاوه‌كو ئێستا بكوژه‌كه‌ ده‌ستگیرنه‌كراوه‌.

 

ده‌شڵێت: هۆكارى ده‌ستگيرنه‌كردنه‌كه‌ى ئه‌وه‌یه‌ بکوژەکە هه‌ڵهاتوه‌ بۆ ناوچه‌كانى ده‌ره‌وه‌ى هه‌رێمى كوردستان.

 

جه‌ختى له‌وه‌شكرده‌وه‌: لێكۆڵینه‌وه‌ له‌ دۆسیه‌كه‌ى به‌رده‌وامى هه‌یه‌.