دەنگ نێت

 

مەکۆی کفری بزوتنەوەی گۆڕان ئاشکرای دەکات، دەرون عومەر کە لەسەر لیستی ئەوان پێشتر بەڕێوبەری گشتی چاودێریی و گەشەپێدانی کۆمەڵایەتی گەرمیان بوە، بوە بە یەکێتی، بەوهۆیەشەوە لە ریزەکانیان دوریانخستوەتەوە.

 

بەپێی نوسراوێکی مەکۆی کفری بزوتنەوەی گۆڕان کە ئاراستەی ژوری حکومەتی گۆڕانی کردوە و وێنەی دەست رادیۆی دەنگ کەوتوە، ئاماژە بەوەدەکات دەرون عومەر خەلیفە کە پێشتر لەسەر لیستی ئەوان بەڕێوبەری گشتی چاودێریی و گەشەپێدانی کۆمەڵایەتی گەرمیان بوە، رۆژی ١ـی ٦ـی ٢٠٢٤ سەردانی مەڵبەندی گەرمیانی یەکێتی نیشتمانی کردوە و پەیوەندی بە ریزەکانی ئەو حزبەوە کردوە.

 

ئاماژەی بەوەشداوە کە بەوهۆکارە هیچ پەیوەندییەکی حزبی و ئۆرگانی بە گۆڕانەوە نەماوە و وەک نوسیویانە: "دەرمان کردوە".

 

رادیۆی دەنگ لەمبارەیەوە پەیوەندی بە دەرون عومەرەوە کرد، بەڵام پەیوەندییەکەی بەردەست نەبو.

 

دەرون عومەر، پێشتر بۆ ماوەی ۷ ساڵ بەڕێوبەری گشتی چاودێری گەشەپێدانی کۆمەڵایەتی گەرمیان بو لە پشکی بزوتنەوەی گۆڕان.