دەنگ نێت

 

لقی گەرمیانی سەندیکای کرێکاران، باج بۆ ئەو مینی پاسانە دەردەکات کە بێ هێڵن، سەرۆکی لقەکەش دەڵێت: باجەکە تەنها بۆ رێکخستنەوەیانە.

 

دوای ئەوەی شۆفێرانی مینی پاسەکانی هێڵی 'گوران- بەردەسور'ـی کەلار گردبونەوەیان ئەنجامدا و گازندەی ئەوەیانکرد شۆفێری مینی پاسە بێ هێڵەکان لەلایەن سەندیکاوە باجیان بۆ کراوە وەک رێگەپێدانی هێڵ بەکاریدەهێنن، سەرۆکی لقی گەرمیانی سەندیکای کرێکاران  رونکردنەوە دەدات.

 

عەدنان محەمەد، بە رادیۆی دەنگی وت: ئەو باجە لەلایەن لیژنەی رێکخستنی شاری کەلارەوە بڕیاری لەسەر دراوە، ئەم لیژنەیەش قایمقام سەرپەرشتی ئەکات و سەندیکای کرێکاران و بەڕێوبەرایەتی گواستنەوەی گەرمیانیش ئەندامن لەو لیژنەیەدا و کارەکە بێ پرس نەکراوە.

 

دەشڵێت: نزیکەی ساڵێکە ئەم بڕیارە دراوە کە باجێکی خۆناساندن بکرێت بۆ ئۆتۆمبێلە بێ هێڵەکان و رێکبخرێنەوە و ئێمەش تەنها بۆ ئەو مەبەستە بۆمان کردون.

 

جەختیلەوەشکردەوە: ئەو باجەش کە ئێمە کردومانە هێڵ نیە و لەسەری نوسراوە بۆ زانین و زانیاری خاوەندارێتی و پاراستنی ئاسایشی سنورەکە و هەر شۆفێرێکیش وەک هێڵ بەکاریبهێنێت بێگومان سزادەدرێت.