دەنگ نێت

 

بۆماوه‌ى ١٢ ساڵه‌ پرۆژەی دروستکردنی بەنداوی باوەنور لە گەرمیان چوەتە بواری جێبەجێکردنەوە، بەڵام بەهۆی قەیرانی داراییەوە کارەکانی راگیراوە، به‌ڕێوبه‌رى ناحیەی باوەنوریش ده‌ڵێت: نوسراومان بۆ هاتوه‌ بەمەبەستی دەستبەکارکردنەوە لە به‌نداوه‌كه‌دا.

 

عه‌دنان عه‌لى، به‌ڕێوبه‌رى ناحیه‌ى باوه‌نورـی سەر بە قەزای کەلار، بۆرادیۆى ده‌نگ باسى له‌وه‌كرد: له‌ ساڵى ٢٠١٣ به‌ردى بناغه‌ى به‌نداوى باوه‌نور دانراوه‌ و ده‌بو له‌ ماوه‌ى ٥ ساڵدا ته‌واو بكرێت، به‌ڵام به‌هۆى قه‌یرانى داراییه‌وه‌ نه‌توانرا ئه‌و كاره‌ ئه‌نجام بدرێت، ئه‌گه‌رچى بۆ چه‌ند جارێك كارى تیاكراوه‌ و راگیراوه‌.

 

باسی لەوەشکرد: ئێستادا نوسراومان بۆ هاتوه‌ کە ئاماژە بەوەدەکات کارکردن لە به‌نداوه‌كه‌ ده‌ستپێدەکاتەوە و سەرەتاش ئیش له‌ چاکكردنى رێگه‌كه‌ى ده‌كرێت.

 

ده‌شڵێت: به‌نداوه‌كه‌ نزیكه‌ى ١٠٪ـی كاره‌كانى ته‌واو بوه‌.

 

له‌باره‌ى گوژمه‌ى ئه‌و پرۆژه‌یه‌ چەندە؟ به‌رێوبه‌رى ناحیه‌ى باوه‌نور وتیشى: گوژمه‌ى پرۆژه‌کە خۆى له‌ ٣٤٠ ملیار دیناردا ده‌بینێته‌وه‌.