دەنگ نێت

 

لە گەرمیان گواستنەوەی كارتی زانیاریی لە نێوان شار و شارۆچکەکان رادەگیرێت، ئەمەش بە هۆکاری بڕیاری دابەشکردنی زەوی بەسەر فەرمانبەراندا. 

 

بەپێی زانیارییەکانی رادیۆی دەنگ، بڕیار دراوە بە راگرتنی گواستنەوەی كارتی زانیاریی لە نێوان پارێزگا و قەزا و ناحیەکاندا تا كاتێكی نادیار.

 

هەربەپێی زانیارییەکان، بڕیارەکە بەهۆی پێدانی زەوییە بە فەرمانبەران.

 

پێشتر رادیۆی دەنگ لە هەواڵێکدا لەسەر زاری چەند بەرپرسێکی کارتی زانیاری لە گەرمیانەوە بڵاویکردەوە: گواستنەوەی کارتی زانیاریی لە نێوان قەزا و ناحییەکانی گەرمیاندا بەشێوەیەکی بەرچاو روی لە زیادبون کردوە، بە تایبەت لە دوای بڕیاری دابەشکردنی زەوی بەسەر فەرمانبەراندا.

 

هەر لەو هەواڵەی رادیۆی دەنگدا هاتوە، هاوڵاتیان لە قەزا و ناحیەکانی گەرمیانەوە کارتی زانیارییەکانیان دەگۆڕن بۆ کەلار، بەو ئامانجەی لەکەلار زەویان پێبدرێت، چونکە نرخی زەوی لە کەلار گرانترە بەراورد بە ناوچەکانی دیکە.