دەنگ نێت

 

به‌ڕێوبه‌رى بەڕێوبەرایەتی ئاوى كه‌لار ده‌ڵێت: به‌فیرۆچونێکی زۆر له‌ ئاودا هه‌یه‌ له‌لایه‌ن هاوڵاتیانه‌وه‌، به‌ جۆرێك بۆ هه‌ر تاكێك به‌پێى ستاندارد ٢٢٠ لیتر ئاوى پێویسته‌ له‌رۆژێكدا، كه‌چى ئێمه‌ زیاتر له‌ ٣٠٠ لیتر ئاو دابه‌ش ده‌كه‌ین.

 

سامان ره‌حیم، به‌ڕێوبه‌رى به‌ڕێوبه‌رایه‌تى ئاوى كه‌لار، بۆ رادیۆى ده‌نگ وتى: له‌ ٢٤ كاتژمێردا‌ له‌ شارى كه‌لار زیاتر له‌ ٨٥ ملیۆن لیتر ئاو دابه‌ش ده‌كه‌ین، ئه‌گه‌ر به‌راوردی بكه‌ین به‌ تاك بۆ هه‌ر تاكێك رۆژانه‌ نزیكه‌ى ٣١٠ لیتر ئاوى به‌رده‌كه‌وێت، ئه‌مه‌ش زۆر زیاتره‌ له‌ ستانداردى جیهانى كه‌ بۆ هه‌ر تاكێك ٢٢٠ لیترى دیارییکردوە‌.

 

ده‌شڵێت: بۆیه‌ به‌شێوه‌یه‌كى گشتى به‌فیرۆچونی ئاو له‌لایه‌ن هاوڵاتیانه‌وه‌ بەڕادەیەکی زۆر هه‌یه‌، له‌ كاتێكدا پێویسته‌ ده‌ست بە ئاوه‌وه‌ بگیرێت به‌تایبه‌ت له‌م وه‌رزه‌دا.