دەنگ نێت

 

لەگەرمیان نرخی ماسی دو هێندە بەرزبوەتەوە و کیلۆی بە نزیکەی ١٠ هەزار دینار دەفرۆشرێت، بەرپرسێکیش لە کشتوکاڵی گەرمیان هۆکارەکەی دەخاتەڕو.

 

بەختیار ئەحمەد، لێپرسراوی بەشی سامانی ئاژەڵ لە بەڕێوبەرایەتی گشتی کشتوکاڵی گەرمیان، بە رادیۆی دەنگی وت: نرخی ماسی پێشوتر نزیکەی کیلۆی ٥ هەزار دینار بو، بەڵام ئێستا بەرزبوەتەوە بۆ نزیکەی ١٠ هەزار دینار.

 

لەبارەی هۆکاری ئەم بەرزبونەیەشەوە وتی: دو هۆکار هەیە، لەئێستادا پڕۆژەکانی ماسی لە مانگی ٣ دەستدەکەن بە دانانی پەنجە ماسی لە پڕۆژەکانیان و وەرزی بەرهەمهێنانیەتی، هۆکارێکی تریش نەخۆشی ڤایرۆسییە و وایکردوە بەرهەمی ماسی کەمببێتەوە، ئەمانەش وایانکردوە نرخەکەی بەرزببێتەوە.