دەنگ نێت

 

وه‌رزى دروێنه‌ له‌ گه‌رمیان ده‌ستیپێكردوه‌ و تاوه‌كو ئێستا نرخى كاتژمێره‌كانى كاركردنى ده‌ڕاسه‌ش دیارى نه‌كراوه‌، كشتوكاڵى گه‌رمیانش ده‌ڵێت: دیارییکردنی نرخەکە تەنها رۆتینە.

 

ئیسماعیل محه‌مه‌د، به‌ڕێوبه‌رى به‌شى خزمه‌تگوزارى كشتوكاڵیی له‌ به‌ڕێوبه‌رایه‌تى گشتى كشتوكاڵى گه‌رمیان، بۆ رادیۆى ده‌نگ وتى: تاوه‌كو ئێستا نرخى كاتژمێره‌كانى كارپێكردنى ده‌ڕا‌سه‌مان دیارى نه‌كردوه‌، وابڕیاره‌ لەم رۆژانەدا له‌گه‌ڵ ئیداره‌ى گه‌رمیان بۆ ئه‌و مه‌به‌سته‌ كۆببینه‌وه‌.

 

ده‌شڵێت: ئه‌گه‌رچى ساڵانه‌ ئه‌و نرخه‌ش دیارییدەکەین ‌و خاوه‌ن ده‌ڕاسه‌كانیش پێوه‌ى پابه‌ند نابن، هۆكاره‌كه‌شى ئه‌وه‌یه‌ هیچ بڕه‌ گازێكیان بۆ دابین ناكرێت، له‌ كاتێكدا لە‌ ناوچه‌كانى خوارى عێراق به‌پێچه‌وانه‌وه‌یه‌.

 

جه‌ختى له‌وه‌شكرده‌وه‌: ئه‌و نرخه‌ى كه‌ دیارییده‌كرێت ته‌نها رۆتینه‌ و بۆ دۆسیەیەکی دادگا ئه‌گه‌ر هه‌بێت سودى لێ ده‌بینرێت له‌ ئه‌گه‌رى كێشه‌یه‌ك له‌ نێوان جوتیار و خاوه‌ن ده‌ڕاسه‌یه‌كدا.