دەنگ نێت

 

سێ ساڵە لەسەر نەخشە زەوی بۆ کەسوکاری ئەنفالکراوان و زیندانیانی سیاسی لە کەلار دیارییکراوە، بەڵام تائێستا پێیاننەدراوە، بەرپرسێکیش دەڵێت: پرۆسەکە لەسەر قەرەبوکردنەوەی ئەو جوتیارانە ماوە کە بڕیارە زەویەکانیان بدرێت بە کەسوکاری ئەنفال و زیندانیانی سیاسی.

 

له‌ نیسانى ۲۰۲۱، حكومه‌تى هه‌رێم بڕیاریدا به‌ پێدانى زه‌وی به‌ كه‌سوكارى ئه‌نفال و زیندانیانى سیاسی له‌ كه‌لار به‌ شێوه‌ى هه‌وایی له‌سه‌ر روبه‌ری ٦١٨ دۆنم زه‌وی كشتوكاڵی كه‌ بڕیار بو زەویە کشتوکاڵییەکە بکرێت به‌ زه‌وی نیشته‌جێبون.

 

ئه‌و جوتیارانه‌ى کەلار كه‌ زه‌وییه‌كانیان ئیفراز كرا و بڕیارە بدرێت به‌ كه‌سوكارى زیندانیانى سیاسى، قەرەبوکردنەوەکەیان بە بڕیارێکی ئەنجومەنی وەزیران راگیرا، دواتریش لیژنەیەک پێکهات و میکانیزمی قەرەبوەکەی ئەو ٤۰ جوتیارەی کە زەوییەکانیان ئیفرازکراوە داڕشتوە. 

 

فەرهاد تۆفیق، بەڕێوبەری کاروباری زیندانیانی سیاسی لە گەرمیان، بۆ رادیۆی دەنگ وتی: کارەکانی دابەشکردنی ئەو زەویانە لە قۆناغی کۆتایی دایە.

 

وتیشی: هەمو شتێک تەواو بوە، تەنها قەرەبوو کردنەوەی جوتیارەکان ماوە.