دەنگ نێت

 

ئەم وەرزی بارانبارینە بارانی باش لە گەرمیان باریوە، بەڵام بەڕێوبەری بەڕێوبەرایەتی ئاوی ژێرزەوی گەرمیان دەڵێت: هێشتا ناتوانین بڵێین ئاوی ژێر زەوی زیادییکردوە.

 

بەپێی ئامارێکی هۆبەی کەشناسی لە بەڕێوبەرایەتی کشتوکاڵی گەرمیان، ئەم وەرزە لە هەرسێ قەزاکانی کەلار و کفری و خانەقین و هەردو ناحیەی باوەنور و مەیدان، رێژەیەکی باش باران باریوە، بەشێوەیەک بارانبارینەکە لەهەمو ناوچەکان زیاتر یان دو ئەوەندەی وەرزی پێشوە و هەموشیان لە مەترسی وشکەساڵی دەرچون.

 

لەبارەی کاریگەریی ئەم رێژە بارانبارینە بۆ سەر ئاوی ژێر زەوی لە گەرمیان، حامد جومعە، بەڕێوبەری بەڕێوبەرایەتی ئاوی ژێرزەوی گەمیان بۆ رادیۆی دەنگ وتی: ئاوی ژێرزەوی بەبارانی ئەم وەرزە ناتوانین بڵێین زیادییکردوە، چونکە ئەو بارانەی دەبارێت ٦ مانگی ئەوێت تاوەکو کاریگەریەکەی دەرکەوێت. 

 

وتیشی: کاریگەری ناڕاستەوخۆی هەیە لەسەر ئاوی ژێر زەوی، چەم و پۆندەکان پڕ ئاو دەبێت، ئەگەر خەڵکیش ئاوی بیرەکان بەکار نەهێنێت بەهۆی باران بارینەوە، ئەوکات کاریگەری دەبێت لەسەر ئاوی ژێرزەوی. 

 

باسی لەوەشکرد: ئاستی ئاوەکانمان پێواوە زیادی کردوە، بەڵام شتێکی وانا، بەڵام گەشبینین کە بەرەوە سەرەوەیە.