دەنگ نێت

 

بۆماوه‌ى 3 ساڵه‌ تاوه‌كو ئێستا نه‌توانراوه‌ پۆنده‌كانى کۆکردنەوەی ئاو لە سنوری گه‌رمیان نۆژه‌نبكرێنه‌وه‌ كه‌ ژماره‌یان 13 پۆنده‌، به‌ڕێوبه‌رى ئاودێرى گه‌رمیانیش ده‌ڵێت: هۆكاره‌كه‌ى خه‌رج نه‌كردنى پاره‌یه‌ و پرۆسەکە ‌ پێویستى به‌ 800 ملیۆن دیناره‌.

 

موئه‌یه‌د ئه‌حمه‌د، به‌ڕێوبه‌رى به‌ڕێوبه‌رایه‌تى ئاودێریی گه‌رمیان، بۆ رادیۆى ده‌نگ باسى له‌وه‌كرد: بۆماوه‌ى 3 ساڵه‌ به‌به‌رده‌وامى داواده‌كه‌ین بۆ نۆژه‌نكردنه‌وه‌ى 13 پۆنده‌كه‌ى گه‌رمیان كه‌ له‌ كاردان، به‌ڵام تاوه‌كو ئێستا هیچمان بۆ نه‌كراوه‌.

 

جەختیشیکردەوە کە بەهۆی ئەنجامنەدانی نۆژەنکردنەوە و کاری چاکسازیی، نیوەی پۆندەکان پڕبونەتەوە لە قوڕ و لیتە و نیشتو.

 

بە وتەی موئەیەد ئەحمەد، پرۆسەی نۆژەنکردەوە و چاکسازی پۆندەکان، پێویستى به‌ 800 ملیۆن دیناره‌.

 

پۆند، هاوشێوەی بەنداوە و ئاو گلدەداتەوە، بەڵام قەبارەکەی بچوکترە و زۆرجاریش بە گڵ دروستدەکرێت، بەپێچەوانەی بەنداوەوە کە زیاتر کۆنکرێتە.