دەنگ نێت

 

دواى ئه‌وه‌ى هه‌ندێك له‌ هاوڵاتی لە کەلار باسیان له‌وه‌كرد ره‌نگى ئاوى ماڵان كه‌ دابه‌ش ده‌كرێت بەسەریاندا گۆڕاوه‌، به‌ڕێوبه‌رى ئاوى كه‌لار ده‌ڵێت: ئێستا هیچ گرفێكى نیه‌.

 

لەچەند رۆژی رابردودا ژمارەیەک هاوڵاتی لە کەلار لە رێگەی رادیۆی دەنگەوە ئەوەیان راگەیاند ئەو ئاوەی دابەشدەکرێت بەسەریاندا بەتایبەتی ئەو بەشەی کە هی روباری سیروانە، رەنگی گۆڕاوە و لیخن بوە.

 

لەبەرامبەردا، سامان ره‌حیم، به‌ڕێوبه‌رى به‌ڕێوبه‌رایه‌تى ئاوى كه‌لار، بۆ رادیۆى ده‌نگ وتى: ساڵانه‌ له‌ مانگى 10ـدا له‌لایه‌ن به‌نداوى ده‌ربه‌ندیخانه‌وه‌ ئاو گل ده‌درێته‌وه‌ و رێژه‌یه‌كى كه‌م به‌رده‌درێته‌وه‌، ئه‌مەش واده‌كات ئێمه‌ش حه‌وزه‌كانمان كه‌ له‌سه‌ر روبارى سیروانه‌ زیاتر قۆڵى بكه‌ین و فراوانى بكه‌ین، بۆیه‌ تیمه‌كانمان له‌ ئێستادا له‌ كاردان.

 

وتشى: ئه‌مه‌ش وایكردوه‌ هه‌ندێكجار ره‌نگى ئاوه‌كه‌ گۆڕانكارى به‌سه‌ردابێت.

 

هێماى بۆ ئه‌وه‌شكرد: دڵنیایی به‌ هاوڵاتیان ده‌ده‌ین پێش ئه‌وه‌ى ئه‌و ئاوه‌ دابه‌شبكرێت پشكنینى وردى بۆ ده‌كرێت و دواتر دابه‌ش ده‌كرێت، بۆیه‌ له‌ ستانداردا هیچ گرفتێكى نیه‌.