دەنگ نێت

 

بەپێی ئاگانامەیەک کە بەڕێوبەرایەتی پەروەردەی کەلار بۆ ئیدارەی قوتابخانەکانی ناردوە، باس لەوە دەکات کە لیژنەکانیان سەردانی ناوەندەکانی خوێندن دەکات بەمەبەستی دڵنیابون و لەهەمان کاتدا لیستی ئامادەنەبونی مامۆستایان و ستافی ئیداری قوتابخانەکان وەردەگیرێت.

 

لە ئاگانامەکەدا کە وێنەی دەست رادیۆی دەنگ کەوتوە و بەشێوازی ئۆنلاین بۆ ئیدارەی قوتابخانەکان نێردراوە، تیایدا جەخت لە نوسراوێکی پێشوتریان دەکاتەوە بەوەی لەمڕۆ (چوارشەممەوە ١٧/ ١/ ٢٠٢٤) لیژنەی پەروەردە سەردانی ناوەندەکانی خوێندن دەکات بەمەبەستی دڵنیابون لە جێبەجێکردنی نوسراوەکەیان.

 

هاوکات ئەوەیشی تێداهاتوە؛ لەهەمان کاتی سەردانەکاندا، لیستی ئامادەنەبونی مامۆستایان وەردەگیرێت بەمەبەستی جێبەجێکردنی رێکاری یاسایی و کارگێری بۆ مامۆستایانی میلاک و وانەبێژ.

 

لە کۆتای نوسراوەکەشدا هاتوە: دەسەڵاتی بەخشین و دانانی وانەبێژان لای بەڕێوبەری پەروەردەی قەزاکەیە.

 

ئەمەش لەکاتێکدایە کە مامۆستایانی ناڕازیی رایدەگەیەنن بایکۆتی هۆڵەکانی خوێندنیان کردوە و ناگەڕێنەوە دەوام کردن.