دەنگ نێت

 

لە سلێمانی دەست بە دابەشکردنی نەوتە ٥٠ هەزارییەکە دەکرێت، بەڵام بەشە نەوتی گەرمیان هێشتا لە سلێمانییەوە رەوانە نەکراوە.

 

سالار مه‌حمود، لێپرسراوى هۆبه‌ نه‌وتیه‌كان له‌ به‌ڕێوبه‌رایه‌تى نه‌وت و كانزاكانى گه‌رمیان بۆ رادیۆى ده‌نگ باسى له‌وه‌كرد: ئه‌و نه‌وته‌ تاوه‌كو ئێستا نه‌گه‌شتوه‌ گه‌رمیان، به‌هۆى ئه‌وه‌ى بڕێكى كه‌م هاتوه‌ بۆ پارێزگاى سلێمانى به‌شى گه‌رمیانیش له‌وێیه‌ بۆیه‌ ده‌ست به‌ دابه‌شكردنى نه‌كراوه‌.

 

وتیشى: ئه‌و نه‌وته‌ش بۆ ناوچه‌ شاخاوییه‌كانه‌، له‌ سنورى گه‌رمیانیش 2 ناحیه‌ سودمه‌ند ده‌بێت ئه‌وانیش ناحیه‌ى شێخ ته‌ویل و مه‌یدانن.

 

هێماى بۆ ئه‌وه‌شكرد: به‌پێى ئه‌و ئاماره‌ى به‌رده‌ستمانه‌ له‌و 2 ناحیه‌ 1500 به‌رمیل نه‌وتمان به‌ر ده‌كه‌وێت، كه‌ بڕیار وایه‌ بۆ هه‌ر خێزانێك 200 لیتر بێت به‌ بڕى 50 بۆ 60 هه‌زار دینار پێیان بدرێت.

 

ئەمەش لەکاتێکدایە ئەمڕۆ بەڕێوبەرایەتی نەوت و کانزاکانی سلێمانی رایگەیاند لە سبەینێوە دەست بە دابەشکردنی ئەو نەوتە دەکەن.