دەنگ نێت

 

بەپێی دواین ئامار ٦٩٪ـی رێگای کەلارـ سلێمانی تەواو بوە، بەڕێوبەری رێگاوبانی گەرمیانیش دەڵێت: بەمشێوەیەی ئێستا پارە بدرێت بە سێ ساڵی تریش تەواو نابێت.

 

بە دوسایدکردنی رێگای کەلارـ سلێمانی لە ساڵی ٢٠١٢ـەوە دەستیپێکراوە، بەڵام تاوەکو ئێستا تەواو نەکراوە، ئەویش بەهۆی بونی قەیرانی دارایی و کێشە لە خەرجکردنی سولفەکانی دا.

 

لەبارەی ئەوەی کارەکانی رێگاکە چەندی تەواو بوە و گەشتوە بەچی، بەڕێوەبەری رێگاوبانی سلێمانی بۆ رادیۆی دەنگ وتی: ٦۹٪ـی کارەکانی تەواو بوە، 

 

محەمەد جەلیل، وتیشی: بەمشێوەیەی ئێستا پارە بدرێت بە سێ ساڵی تریش تەواو نابێت، بەڵام ئەگەر مانگانە ٩ ملیار دینار بۆ بەڵێندەر دابین بکرێت دەتوانرێت لە نزیکەی مانگی ٩ و ١٠ـی ساڵی داهاتودا تەواو بکرێت.

 

وتیشی: کارەکانی سەرپەرشتیکردنی پرۆژەکە لەلای بەڕێوبەرایەتی رێگاوبانی گەرمیانە و تەنها ئێمە ئاگاداری ئەو ژمارانەین.

 

رادیۆی دەنگ لەمبارەوە چەند جارێک پەیوەندی بە بەڕێوبەری بەڕێوبەرایەتی رێگاوبانی گەرمیانەوە کرد، بەڵام پەیوەندییەکەی بێوەڵام بو.