دەنگ نێت

 

به‌ڕێوبه‌رى گشتى په‌روه‌رده‌ى گه‌رمیان ده‌ڵێت: له‌ سنورى په‌روه‌رده‌ى كه‌لار 4 بیناى قوتابخانه‌مان مه‌ترسى روخانى له‌سه‌ره‌، ئاماژە بەوەشدەکات رێکاریان بۆ دروستکردنەوە و چاککردنەوەیان دەستپێکردوە.

 

دارا ئه‌حمه‌د سه‌مین، به‌ڕێوبه‌رى گشتى په‌روه‌رده‌ى گه‌رمیان بۆ رادیۆى ده‌نگ هێماى بۆ ئه‌وه‌كرد: یه‌كێك له‌وانه‌ قوتابخانه‌ى بێداره‌ كه‌ زه‌وى بۆ ته‌رخان كراوه‌ دروست بكرێت، هاوكات قوتابخانه‌ى كوڵه‌جۆمان هه‌یه‌ كه‌ ئه‌ویش بینایه‌كى له‌ ته‌نیشت بۆ دروست كراوه‌ له‌ %92ـى كارەکانی ته‌واو بوه‌ له‌به‌ر تێچویه‌كى كه‌م كه‌ 750 ملیۆن دیناره‌ كاره‌كانى راگیراوه‌.

 

وتیشى: ئه‌مه‌ جگه‌ له‌ قوتابخانه‌كانى پوقه‌ و په‌ژار كه‌ پرۆژه‌مان هه‌یه‌ بۆ ئه‌و دوانه‌ش له‌ رێكارى مامه‌ڵه‌كانیانین بۆ ئه‌وه‌ى نۆژه‌ن بكرێنه‌وه‌.

 

ئاماژه‌ى به‌وه‌شكرد: له‌ سنورى گه‌رمیان پێویستمان به‌ 13 بیناى نوێى 18 پۆلى هه‌یه‌ 10 دانه‌یان له‌ قه‌زاى كه‌لار و 3 دانه‌یان له‌ قه‌زاى كفرى، به‌ دروستكردنى ئه‌و بینایانه‌ لۆدێكى زۆرمان له‌سه‌ر لائه‌چێت.