ده‌نگ نێت

 

دواى ئه‌وه‌ى وه‌زاره‌تى كاره‌با داواى له‌ هاوبه‌شانى كردوه‌ هه‌ر كه‌س بیه‌وێت سیسته‌مى ماڵه‌كه‌ى بكرێت به‌ پریپه‌ید ده‌توانن سه‌ردانى به‌ڕێوبه‌رایه‌تیه‌كانى سنوره‌كانیان بكه‌ن، وته‌بێژى كاره‌باى گه‌رمیانیش ده‌ڵێت: ئه‌و نوسراوه‌ بۆ سێ پارێزگاکەیە و هێشتا ئەو سیستەمە لە گه‌رمیان جێبەجێ نەکرا‌وه‌.

 

ئالان ئه‌ركان، وته‌بێژى به‌ڕێوبه‌رایه‌تى كاره‌باى گه‌رمیان بۆ رادیۆى ده‌نگ وتى: ئەو نوسراوەی وەزارەتی کارەبا، بۆ هەرسێ پارێزگاکەی هەرێمە، ئیدارەی گەرمیانی تێدانییە به‌هۆى ئه‌وه‌ى تاوه‌كو ئێستا سیسته‌مى پریپه‌ید له‌ گه‌رمیان جێبه‌جێنه‌كراوه‌.

 

وتیشى: هه‌مو ئاماده‌كارییه‌كمان كردوه‌ بۆ ئه‌وه‌ى سیسته‌می پریپەید لە گەرمیان جێبه‌جێ بكرێت، بۆ ئه‌و مه‌به‌سته‌ش چاوه‌ڕوانى وه‌زاره‌تى كاره‌باین، بۆ ئه‌وه‌ى ئه‌و كۆمپانیاى گرَبه‌ستى له‌گه‌ڵ كردوه‌ بێته‌ سنوره‌كه‌ و ده‌ست به‌كارببێت.