دەنگ نێت

 

به‌شێك له‌ ترافیكه‌كانى ناو شارى كه‌لار هه‌ندێكجار له‌ كاردەكه‌ون ، وته‌بێژى به‌ڕێوبه‌رایه‌تى هاتوچۆى گه‌رمیانیش ده‌ڵێت: به‌هۆى كاره‌باوه‌ نییه‌.

 

سامان عه‌لى، وته‌بێژى به‌ڕێوبه‌رایه‌تى هاتوچۆى گه‌رمیان بۆ رادیۆى ده‌نگ وتى: ئه‌و ترافیكانه‌ى كه‌ له‌ ناو شارى كه‌لار هه‌ندێكجار روبه‌روى له‌كاركه‌وتن ده‌بنه‌وه‌ هۆكاره‌كه‌ى ته‌كنیكیه‌ و كاره‌با نیه‌.

 

وتیشى: هه‌ندێكجار ترافیكه‌كان كه‌ كارتێکی زیرەکیان تیایە، لە کاتی کوژانەوەیاندا  ده‌سوتێن پێویستیان به‌ گۆڕین ده‌بێت، ئەمەش کێشەیەکە چه‌ندینجار توشى بوین و چاكمان كردوه‌ته‌وه‌.

 

هێماى بۆئه‌وه‌شكرد: له‌گه‌ڵ ئه‌وه‌شدا ئه‌و ترافیكانه‌ له‌سه‌ر هێڵی 11ـى كاره‌بان، بۆردێكى چاودێریمان بۆ داناوه‌ ئه‌گه‌ر كاره‌با ڤۆڵتیه‌ى زیاتر بێت له‌و رێژه‌ى كه‌ هه‌یه‌ سێركتێكى هه‌یه‌ راسته‌وخۆ دێته‌ خواره‌وه‌ و نایه‌ڵێت زیان به‌ر ترافیكه‌كان بكه‌وێت.