دەنگ نێت

 

پرۆژه‌یه‌كى یه‌كه‌ى نیشته‌جێبونى نوێ له‌ قه‌زاى كه‌لار به‌ناوى 'هیوا سیتى' دروست ده‌كرێت، به‌ڕێوبه‌رى وه‌به‌رهێنانی گەرمیانیش ده‌ڵێت: به‌شێك له‌و پرۆژه‌یه‌ بۆ كەسانی خاوەنپێداویستی تایبەتە‌‌.

 

هونه‌ر مه‌حمود، به‌ڕێوبه‌رى گشتى به‌ڕێوبه‌رایه‌تى وه‌به‌رهێنانى گه‌رمیان بۆ رادیۆى ده‌نگ وتى: پرۆژه‌ى هیوا ستى له‌ كه‌لار ده‌كه‌وێته‌ ئه‌و دیوى جاده‌ى پشتێنەیی "حەولی"، له‌سه‌ر روبه‌رى 175 دۆنم زه‌وى دروست ده‌كرێت، كه‌ خۆى له‌ هه‌زار یه‌كه‌ ده‌بینێته‌وه‌.

 

ده‌شڵێت: له‌و هه‌زار یه‌كه‌یه‌ش 300 یه‌كه‌ى بۆ کەسانی خاوەنپێداویستی تایبەت "کەمئەندامان"ـە كه‌ به‌ قیستى درێژخایه‌ن بۆیان دروست ده‌كرێت، هاوكات ئه‌وى دیكه‌ى بازرگانیه‌.

 

هێماى بۆ ئه‌وه‌شكرد: پرۆژەکە مۆڵه‌تى ئه‌نجومه‌نى وه‌زیرانى وه‌رگرتوه‌.