دەنگ نێت

 

‌چه‌ند رۆژێكه‌ به‌ڕێوبه‌رایه‌تى گشتی كشتوكاڵى گه‌رمیان ده‌ستى به‌ دابه‌شكردنى بنه‌تۆى گه‌نم كردوه‌ به‌سه‌ر جوتیاراندا له‌ سنوره‌كه‌، به‌ڕێوبه‌رى به‌شى به‌رهه‌مهێنان و په‌سه‌ندكردنى بنه‌تۆى گه‌رمیان ده‌ڵێت: تاوه‌كو ئێستا نزیكه‌ى 100 جوتیار سودمه‌ند بون.

 

سیروان حه‌سه‌ن، به‌ڕێوبه‌رى به‌شى به‌رهه‌مهێنان و په‌سه‌ندكردنى بنه‌تۆى گه‌رمیان له‌ به‌ڕێوبه‌رایه‌تى گشتی كشتوكاڵى گه‌رمیان بۆ رادیۆى ده‌نگ باسى له‌وه‌كرد: ماوه‌ى چه‌ند رۆژێكه‌ ده‌ستمان به‌ دابه‌شكردنى بنه‌تۆ كردوه‌ به‌سه‌ر جوتیاراندا و هه‌ر جوتیارێكیش به‌پێى ئه‌و زه‌وییه‌ى كه‌ هه‌یه‌تى بنه‌تۆى پێده‌درێت.

 

وتیشى: تاوه‌كو ئێستا نزیكه‌ى 100 جوتیار سودمه‌ند بون و رۆژانه‌ش جویتار سه‌ردانمان ده‌كه‌ن.

 

هێماى بۆ ئه‌وه‌شكرد: ئه‌و بنه‌تۆییه‌ى كه‌ ده‌درێت به‌ جوتیاران باوه‌ڕپێكراوه‌ و جۆرى كه‌لار 1و كه‌لار 2ـە، هاوكات بۆ هه‌ر ته‌نێكى بڕى 660 هه‌زار دینار وه‌رده‌گرین.

 

ده‌شڵێت: جوتیاران ده‌توانن له‌ به‌شه‌ كشتوكاڵیه‌كان له‌لاى خۆیان پشتگیریمان بۆ بهێنن ئێمه‌ش بنه‌تۆیه‌كه‌یان پێده‌ده‌ین.