دەنگ نێت

 

دوای ئەوەی لە بازگەی قەڵای نزیک ناحیەی جەلەولا رێگری کرا لە مامۆستایان کە داخل بن و بەرەو بەغدا بەڕێبکەون بەمەبەستی ئەنجامدانی خۆپیشاندان لە گۆڕەپانی تەحریر، ئەندامێکی دەستەی مامۆستایانی ناڕازی لە گەرمیان دەڵێت: سکاڵا لەسەر هەمو ئەو لایەنانە تۆماردەکەین کە رێگریان لێ کردوین. 

 

رۆژی یەکشەممە (۲٦ تشرینی دوەم) مامۆستایانی ناڕازی لە گەرمیان بەمەبەستی ئەنجامدانی خۆپیشاندان لە گۆڕەپانی تەحریر بەرەو بەغدا بەڕێکەوتن، بەڵام لە بازگەی قەڵاـی نزیک ناحیەی جەلەولا هێزە عێراقییەکان رێگریان لێکردن و نایانهێشت داخل بن. 

 

نەبەرد ئەحمەد، ئەندامی ئەنجومەنی مامۆستایانی ناڕازی لە گەرمیان، بەرادیۆی دەنگی وت: لەبازگەی قەڵا پێیانوتین کە وەزارەتی بەرگری نوسراوی بۆ کردوین رێگاتان لێ بگرین، بەهێزێکی پڕ چەکەوە هاتبون بەرامبەر بە ژمارەیەک مامۆستای مەدەنی، هەروەها وەزارەتی ناوخۆ ئەو بەڵێنەی بەئێمەیان دابو بۆ پشتیوانی کردنمان نەیانتوانی بیبەنەسەر.

 

دەشڵێت: هەر بۆیە ئامادەکاریی دەکەین بۆ سکاڵاکردن لەسەر هەردو وەزارەتی بەرگری و ناوخۆ، چونکە رێگریان کردوە لە رۆشتنمان بۆ بەغدا.