دەنگ نێت

 

هیچ دەرماڵەیەکی ئەمساڵ بەسەر خوێندکارانی زانکۆی گەرمیاندا دابەش نەکراوە، سەرۆکی زانکۆی گەرمیانیش دەڵێت: هەمو مانگەکانی ئەمساڵمان کردوە بەچەک و رەوانەی بانکمان کردوە.

 

ئەمساڵ دو دەرماڵە بەسەر خوێندکارانی زانکۆی گەرمیاندا دابەشکراوە کە هی ساڵی پار بون، ئەمەش لەکاتێکدایە کە خوێندکارانی زانکۆ و پەیمانگاکان لە ساڵێکدا پێویستە ۷ دەرماڵە وەربگرن.

 

سەرۆکی زانکۆی گەرمیان- د.فەرهاد قادر، بۆ رادیۆی دەنگ جەختی لە بابەتەکە کردەوە و وتی: ئێمە دو دەرماڵەمان بە تەواویی وەرگرت کەهی پار ساڵ بون و ئەمساڵ دابەشمان کرد.

 

وتیشی: شایستەی هەمو مانگەکانی ئەمساڵمان کردوە بە چەک و ناردومانە بۆ بانک، چاوەڕوانی ئەوانین بزانین کەی خەرجی دەکەن.

 

باسی لەوەشکرد: چەند جارێک لەگەڵ بانکدا قسەمان کردوە بۆ ئەوەی خەرجی بکەن، بەڵام هەمو ئەولەویاتەکان دراوە بەموچە و هەمو خەرجیەکانی تر راگیراوە.