دەنگ نێت

 

به‌رپرسى بەشی پرۆژه‌كان له‌ شاره‌وانى كه‌لار ده‌ڵێت: له‌ ماوه‌ى ٣ ساڵدا له‌ سنورى شاره‌وانیمان ٢٠ كیلۆمه‌تر له‌ سه‌نته‌رى شاردا قیركراوه‌ بۆ شه‌قامه‌ بچوكه‌كانى گه‌ڕه‌كه‌كان.

 

ئەندازیار: دلێر حه‌سه‌ن، به‌پرسى پرۆژه‌كان له‌ شاره‌وانى كه‌لار بۆ رادیۆى ده‌نگ وتى: له‌ ماوه‌ى ساڵى ٢٠٢١ـدا ١٠ هه‌زار مه‌تر دوجا له‌ نێو قه‌زاى كه‌لاردا قیرمان كردوه‌، هاوكات له‌ ساڵى ٢٠٢٢ـدا نزیكه‌ى ١٣٠ هه‌زار مه‌تر دوجا بوه‌ و له‌ ١٠ مانگى ئه‌مساڵیشدا نزیكه‌ى ٧٥ هه‌زار مه‌تر دوجا بوه‌.

 

وتیشى: له‌ ماوه‌ى ئه‌م ٣ ساڵه‌دا به‌پێى ئه‌و داتایه‌ى به‌رده‌ستمانه،‌ ٢٠ كیلۆمه‌تر به‌ درێژى و ٢٠ مه‌تر به‌ پانى قیرمان كردوه‌ له‌ شه‌قامه‌ بچوكه‌كانى گه‌ڕه‌كه‌كاندا، ئه‌مه‌ جگه‌ له‌ شۆسته‌ و ئاوه‌ڕۆش كه‌ كارمان تێدا كردوه‌.

 

هێماى بۆ ئه‌وه‌شكرد: به‌پێى ئه‌و داتایه‌ى كه‌ به‌رده‌ستمانه‌ له‌ ماوه‌ى ساڵى ٢٠٢٢ و ١٠ مانگى ئةمساڵدا، ملیارێک و ٢٠٠ ملیۆن دینارمان ته‌رخان كردوه‌ بۆ قیرتاوكردن.