دەنگ نێت

 

لە سەرەتای مانگی ئابەوە دەستکراوە بەدروستکردنی پڕوژەی سایدی دوەمی شەقامی پشتێنەیی "شەستی" کەلار، بەرپرسی بەشی پرۆژەکان لە شارەوانی کەلاریش دەڵێت: بە رێژەی ١٠٪ کاری تێداکراوە.

 

ئەندازیار: دلێر حسێن، بەرپرسی بەشی پرۆژەکان لە شارەوانی کەلار، بە رادیۆی دەنگی وت: لە ئێستادا کار ١٠٪ـی شەقامەکەدا کراوە.

 

رونیشیکردەوە؛ کار لەدیزاینی پرۆژەکەدا دەکرێت بۆئەوەی هەنگاوبەهەنگاو بە تەواویی دیزاینی شەقامەکە و شۆستە و شوێنی فولکەی بۆ دیاریبکرێت.

 

وتیشی: هەروەها لەبەر مەترسی لافاو جۆگەکان رێکخراونەتەوە بۆ ئەوەی کێشەی لافاومان بۆ دروست نەبێت.

 

درێژی شەقامی پشتێنەیی کەلار ١٣ کیلۆمەترە، کۆمپانیای قەیوان لە بری پێدانی زەوی تەنیشت شەقامەکە و کردنی بە پرۆژەی نیشتەجێبون و بازرگانی، سایدی دوەمی دروستدەکات.