دەنگ نێت

 

دو کارگەی گەچ و خشتی سور، لە قەزای کفری دروست دەکرێن، بەڕێوبەری بەڕێوبەرایەتی نەوت و کانزاکانی گەرمیانیش دەڵێت: یەکێکیان لەسەرەتای رێکارەکاندایە و یەکێکیانیش لە تەواوبوندایە.

 

یادگار فەتاح، بەڕێوبەری بەڕێوبەرایەتی نەوت و کانزاکانی گەرمیان، بە رادیۆی دەنگی راگەیاند: هەردو پڕۆژەکە لەڕێگەی وەبەرهێنانەوە هاتوە، پڕۆژەی پرۆژەی یەکەمیان خشتی سورە، کارەکانی روپێوی جیۆلۆجیەکەی لەیەک/ دو رۆژی داهاتودا دەستپێدەکات، بۆ ئەوەی بزانین مەوادەکەی چەندێکە و پشکنینی پێویستی بۆ تەواوبکرێت و دواتر دەست بەدانانی کارگەکە دەکرێت. 

 

وتیشی: کارگەی گەچەکەش پڕۆسەکە لەسەرەتای کارەکانیدایە، چاوەڕوانی رەزامەندی لایەنە پەیوەندیدارەکانین، دواتر دەستدەکەین بە کاری روپێویی جیۆلۆجی، بۆئەوەی بزانرێت ئەو مەوادەی کەهەیە بەشی چەند ساڵ دەکات و جۆری مەوادەکەش پشکنینی کیمیایی بۆ دەکرێت بۆ ئەوەی بزانرێت گونجاوە یاخود نا.