دەنگ نێت

 

پرۆژەی دروستکردنی شەقامێک لە بازاڕی شاری کەلارەوە بۆ سەر روباری سیروان، نزیکەی ساڵێکە راگیراوە، سەرۆکی شارەوانی کەلاریش دەڵێت: پرۆژەکە بەهۆی نەبونی پارەوە وەستاوە.

 

شارەوانی کەلار لە چوارچێوەی فراوانکردنی بازاڕی شارەکە، بڕیاریدا کە جادەیەک لە فولکەی ناوبازاڕەوە بۆ سەر سیروان دروست بکات و هەردو دیوی جادەکەش کران بە باڵەخانە، ئەگەرچی کار لە باڵەخانەکان کراوە و لە تەواوبون نزیک بونەتەوە، کەچی کارکردن لە شەقامەکە راگیراوە و لە نیوەدا بەجێهێڵراوە.

 

ئەکرەم ساڵح، سەرۆکی شارەوانی کەلار، لەوبارەیەوە بە رادیۆی دەنگی راگەیاند: بەمنزیکانە دەست دەکەین بە کارکردن لە پرۆژەکە، هاوشێوەی قۆناغی یەکەم کە تەواو بوە، قۆناغی دوەمیش دەستپێدەکەین بەرەو سەر روباری سیروان.

 

لەبارەی هۆکاری راگرتنی پرۆژەکەشەوە، ئاماژەی بەوەدا کە بەهۆی نەبونی بودجەوەیە و لەئێستاشدا پارەیان لەبەردەستدا نییە.

 

وتی: ئیشەکانی ئێمە بە پارە دەکرێت، بۆ دەستپێکردنی پرۆژەکەش دەبێت بودجەی بۆ پەیدا بکەین.