دەنگ نێت

 

زانکۆی گەرمیان رایدەگەیەنێت سەروی ٨٠٠ کورسیی خوێندنیان بە بەتاڵیی ماوەتەوە و ئارەزومەندان دەتوانن فۆرمی خوێندن پڕبکەنەوە.

 

بەپێی راگەیەنراوێکی زانکۆی گەرمیان، ژمارەیەک لە بەشەکانی ناو کۆلێژەکان، کەمتر لەوەی بۆی دیارییکراوە خوێندکاری وەرگرتوە، بەو مانایەی رێژەی پێشکەشکردن بۆ ئەو بەشانە کەم بوە و کورسییەکانیان بە بەتاڵیی ماوەتەوە.

 

بەپێی بەدواداچونێکی رادیۆی دەنگیش، سەروی ٨٠٠ کورسیی خوێندن لە بەشە جیاوازەکاندا بە خوێندنی بەیانیان و ئێواران و پارالێڵ بە بەتاڵیی ماونەتەوە.

 

زانکۆی گەرمیان ئاماژە بەوەشدەکات، هەر دەرچویەکی ئامادەیی دەیەوێت لەو بەشانە بخوێنێت، دەتوانێت هەتا رۆژی پێنجشەمە فۆرمی تایبەت پڕبکاتەوە.