دەنگ نێت

 

سبەینێ لە بەردەم بینای پەروەردەی گەرمیان خۆپیشاندانێک بەڕێوەدەچێت و نوێنەرێکیش دەڵێت: خۆپیشاندانەکە کراوەیە و تایبەت نییە بە مامۆستایان.

 

نەبەرد ئەحمەد- ئەندامی دەستەی مامۆستایانی ناڕازیی گەرمیان، بە رادیۆی دەنگی وت: سبەینێ کاتژمێر (٩:٣٠) لەبەردەم بینای پەروەردەی گەرمیان خۆپیشاندان دەکەین دژ بە خەرجنەکردنی موچەکانمان و پێداگرتن لە بەردەوامیی بایکۆتی دەوام.

 

وتیشی: خۆپیشاندانەکەمان کراوەیە و تەنها بۆ مامۆستایان نییە، بەڵکو دایکوبابی خوێندکارانیش دەتوانن تیایدا بەشداریی بکەن و پشتیوانیی لە داواکاری مامۆستایان دەرببڕن.

 

هاوکات لەگەڵ ئەم خۆپیشاندانەشدا، مانگرتنی مامۆستایانی وانەبێژ لە گەرمیان لەبەردەم پەروەردەی گەرمیان هەر بەردەوامیی هەیە و بۆ سبەینێش درێژەی دەبێت.