دەنگ نێت

 

شاندێکی رێکخراوی پاڵپشتی شاری کفری کە لەماوەی پێشودا مانگرتنیان لە شارەکە ئەنجامدا، لەگەڵ نوسینگەی جێگری سەرۆکی حکومەت کۆبونەوە، سەرۆکی ریکخراوەکەش دەڵێت: بەڵێنمان پێدراوە کە داواکارییەکانمان ١٠٠٪ بۆ جێبەجێدەکرێت.

 

عوسمان قەتارچی، سەرۆکی رێکخراوی پاڵپشتی کفری، بۆ رادیۆی دەنگ وتی: کۆبونەوەیەکمان لە نوسینگەی جێگری سەرۆکی حکومەت ئەنجامدا و تێیدا باس لەو بەڵێنانە کرا کە لەماوەکانی پێشودا بە مانگرتوانی شاری کفری درا بۆ ئەوەی لەکاتی خۆیدا جێبەجێبکرێت.

 

وتیشی: لەکۆبونەوەکەدا بەرپرسی نوسینگەی جێگری سەرۆکی حکومەت بەڵێنی پێداین کە ١٠٠٪ـی داواکانمان جێبەجێی دەکەن. 

 

ئەو بەڵێنانەی لەلایەن جێگری سەرۆکی حکومەت دراون بە شاری کفری و لەرێکاردان، سەرۆکایەتی زانکۆکەیە، هەروەها ئەو بینایەی کە چۆڵکرا بۆ چاکسازی گەوران و کۆمەڵێک بینای دیکە، لەگەڵ هەندێک پرسی پەیوەست بە زەوییەکانی کەرتی تلیشان و ئەنجامدانی پرۆژەی خزمەتگوزاریی و وەبەرهێنان.