دەنگ نێت

 

لەماوە ئەمساڵدا لە سنوری ئیدارەی گەرمیان ،سێ حاڵەتی خنکان تۆمارکراوە، ئەمەش لەچاو ساڵی پاردا کەمی کردوە.

 

ئیبراهیم محەمەد، وتەبێژی بەرگری شارستانی گەرمیان، بۆ رادیۆی دەنگ وتی: لەسەرەتای ئەمساڵەوە تا ئێستا، سێ حاڵەتی خنکامان هەبوە، بەڵام هیچ لەوحاڵەتانە خنکان نەبون لە روبار دا.

 

وتیشی: حاڵەتێکیان لەبەنداوی توڕەجاڕبوە لەمانگی حەوتدا، دوەمیان پیاوێک بوە کەوتوەتە ناو گۆماوێکی پشت گەراجەکەی شارەوانی کەلار، حاڵەتی سێیەمیشیان هاوڵاتییەک لەسەر ماتۆڕسکیل لە گوندی قەرەبڵاخ وەرگەڕا و کەوتە جۆگەیەکی ئاوەوە.

 

ئەمەش لەکاتێکدایە ساڵی پار ٤ حاڵەتی خنکان لە گەرمیان تۆمارکراوە.