دەنگ نێت

 

کارمەندانی نەخۆشخانەی قەڵا گردبونەوەو داوای دامەزراندن دەکەن، نوێنەرێکیشیان دەڵێت: لە شوێنەکانی تر دامەزراندن هەیە و لە گەرمیان نییە، هەربۆیە بەردەوام دەبین لە دەربڕینی ناڕەزایەتی.

 

رێبین ئەحمەد، ئەندامی دەستەی نوێنەری کارمەندانی بەشی نەخۆشخانەی قەڵا، بۆ رادیۆی دەنگ وتی: کارمەندانی قەڵا لەسەرەتای دروستبونیەوە بەخۆشبەخش بەڕێوەچوە تا ئێستا، کەچی پۆل پۆل لەناوچەکانی تر دامەزراندن دەکرێتەوە، بەڵام کارمەندانی قەڵا بێبەشن لەو دامەزراندنە، بۆیە وەکو مافێکی سەرەتایی خۆمان ئەمڕۆ داوای دامەزراندن دەکەین و تا بەجێهێنانی داواکاریەکانمان بەردەوام دەبین لە دەربڕینی ناڕەزایەتی.

 

باسی لەوەشکرد: ماوەیەک لەلایەن ئیدارەیەکی گشتی یەکێتی نیشتمانییەوە بڕەپارەیەکی هاندان وەکو پاداشتمان پێ دەدرا، بەڵام ئەوە ماوەی نزیکەی 5 مانگە ئەوەشمان وەرنەگرتوە.

 

وتیشی: ئێمە داوای ئەوە دەکەین بەشێوەیەکی هەمیشەیی دابمەزرێین، ئەگەریش نەیەن بەدەم داواکاریەکانمانەوە ئەوە هەڵوێستی ترمان دەبێت.