دەنگ نێت
رێکخراوە ژینگەییەکان و چالاکوانانى بوارى ژینگە لە گەرمیان باس لەوە دەکەن %80ـى دارستانه سروشتییەکانی سنوره‌كه له‌ناوچون، به‌ڕێوبه‌رى دارستان و پاوانى گه‌رمیانیش ده‌ڵێت: تەنها ئه‌مساڵ 80 دۆنم زه‌وى دارستان سوتێنراوه.
نعمه‌ت ئه‌حمه‌د ره‌شید، ئه‌ندامى رێكخراوى ژینگه‌پارێزى گه‌رمیان و به‌ڕێوبه‌رى گروپى كێودۆستان له گه‌رمیان، ده‌ڵێت: وەك داتای دروست لەبەردەست نیە، بەڵام بەپێی زانیاری خۆمان کە چەند ساڵێکە دەرچونی مەیدانیمان کردوە %80ـى دارستانە سروشتیەکانی که‌نار روباری سیروان تیاچون بەهۆکاری مرۆیی.
هاوكات، له‌یلا ئه‌حمه‌د، چالاكوانى بوارى ژینگه له گه‌رمیان، ده‌ڵێت: له‌سنورى گه‌رمیان دو دارستانی خۆڕسك هه‌یه یه‌كێك له‌وانه ئەوەی سه‌ر روبارى سیروانه كه به‌به‌رده‌وامى به‌ر هێرشی سوتاندن و بڕینه‌وه و فرۆشتنەوەی دارەکانی بوه‌ته‌وه، ئه‌وه‌ى ماوه دارستانه‌كانى گۆڕه‌شه‌له‌یه كه 800م پانه و 4 كیلۆمه‌تر درێژه به‌درێژایی روبارى سیروان، ئه‌مه‌ش ده‌بینین رۆژانه ده‌سوتێنرێت و له‌ناو ده‌برێت.
ته‌نها له‌مساڵدا 80 دۆنم دارستانى سروشتى له گه‌رمیان سوتاوه، ئه‌مه‌ش به‌وته‌ى به‌ڕێوبه‌رى به‌ڕێوبه‌رایه‌تى دارستان و پاوانى گه‌رمیان.
ره‌شید به‌كر، وتیشی: تاوه‌كو ئێستا كه‌س لەسەر سوتاندنی دارستانەکان ده‌ستگیرنه‌كراوه و یه‌كلانه‌بوه‌ته كێ ئه‌و تاوانه‌ى ئه‌نجامداوه، ئه‌مه له كاتێكدایه له ساڵانى رابردو حاڵه‌ته‌كه زۆر كه‌م بوه كه له %10ـی ئه‌مساڵ ناكات.
- دوایین بابەتەکان
-
هەواڵسێ بنکەی تەندروستی لە رزگاریی تێکەڵ دەکرێن و نەخۆشخانەیەکیان پێدروستدەکرێت
-
-
هەواڵلە گەرمیان 183 سکاڵا لەسەر عەجاج تکریتی تۆمارکراوە
-
-
هەواڵهۆڵە داخراوەکەی رزگاریی 10 ساڵە بەجێهێڵراوە
-
-
هەواڵبەڕێوبەری ئاوی كەلار: لە هەوڵی دروستكردنی سێیەم پاڵاوگەی ئاوین
-
-
راپۆرتسەربەخۆیی دارایی بە کلیکێک؛ گەنجانی گەرمیان رو له كاركردنى دیجیتاڵی ده‌كه‌ن
-
زۆرترین بینراوەکان
