‏‎

دەنگ نێت

 

‏‎زیاتر لە 5 ساڵە کارەکانی بەنداوی خۆرنەوازان لە ناحیەی ئاوەسپی گەرمیان راگیراوە، بەڕێوبەری ناحیەکەش دەڵێت: هەوڵێک هەیە وەزارەتی کشتوکاڵ پڕۆژەکە بەکاربخاتەوە.

 

‏‎عەزیز محەمەد- بەرێوبەری ناحیەی ئاوەسپی، بۆ رادیۆی دەنگ وتی: هەوڵێک هەیە بەڕێوبەرایەتی گشتی بەنداوەکان لەوەزارەتی کشتوکاڵ ئەیەوێت کارە تەواونەکراوەکانی بەنداوەکە بدات بە بەڵێندەرێکی تر.

 

‏‎وتیشی: لەماوەی پێشودا لەهەولێرەوەو کۆمەڵێک ئەندازیار هاتن بۆ بەدواداچونی بەنداوەکە و راپۆرتی کۆتاییان نوسیوە، بەڵام هیچ کاتێکیان دیاری نەکردوە بۆ دەستپێکردنەوەی کارکردن لەبەنداوەکە و تائێستا هەروەکو خۆیەتی. 

 

‏‎بەنداوی خۆرنەوەزان دەکەوێتە سەر چەمی ئاوەسپی لەنێوان گونده‌كانی: لەک، سه‌رهه‌نگ و قه‌واڵی سەر بە ناحیەی ئاوەسپی له‌ قەزای کفری، به‌گوژمه‌ی 14 ملیار دینار لە کۆتایی ساڵی 2009 دا دەست بە کارکردن تێیدا کراوە، تائێستا 11 ملیار دیناری تێیدا خه‌رج کراوە و 96%ـى كاره‌كانى به‌نداوه‌كه‌ ته‌واو كراوه‌.