دەنگ نێت

 

بۆ ماوەی ٥ ساڵە کارکردن لە رێگەی سەیدخەلیل-گۆبان لە گەرمیان وەستاوە، دوای ئەوەی کارەکانی گەیشتبوە نیوە، بەڕێوبەری بەڕێوبەرایەتی رێگاوبانی گەرمیانیش دەڵێت: هیچ بەرەوپێشچونێکی تێدا بەدیی نەهاتوە.

 

عەدنان خەلیل، بەڕێوبەری بەڕێوبەرایەتی رێگاوبانی گەرمیان بۆ رادیۆی دەنگ باسی لەوەکرد: کارکردن لە رێگەی سەیدخەلیل- گۆبان لە ساڵی ٢٠١٩ کارکردن تێیدا وەستاوە بەهۆکاری قەیرانی دارایی، چونکە پرۆژەکە لەسەر پترۆ-دۆلارە.

 

وتیشی: %٥٥ـی کارەکانی ئەو رێگەیە تەواو بوە، گوژمەی پرۆژەکەش ١ ملیۆن و ٨٠٠ هەزار دۆلارە.

 

هێمای بۆئەوەشکرد: چەندینجار داوامان کردوە کارکردن لەو پرۆژەیە دەست پێبکاتەوە، بەڵام تاوەکو ئێستا وەڵام نەدراوینەتەوە و هیچ بەرەوپێشچونێکیش نیە بۆ ئەو مەبەستە.