دەنگ نێت- كاروان ئەحمەد
بۆماوه‌ى هه‌فته‌یه‌كه كاتژمێره‌كانی كاره‌باى نیشتیمانى كه‌مبوه‌ته‌وه له سنورى گه‌رمیان، ئەمەش هاوکات لەگەڵ بەرزبونەوەی پلەکانی گەرما، به‌ڕێوبه‌رى كۆنترۆڵى كاره‌باى گه‌رمیانیش ده‌ڵێت: به‌رهه‌مهێنان كه‌م بوەتەوە.
سۆران محه‌مه‌د، به‌ڕێوبه‌رى به‌ڕێوبه‌رایه‌تى كۆنترۆڵى كاره‌باى گه‌رمیان، به رادیۆى ده‌نگى راگه‌یاند: هۆكارى كه‌مبونه‌وه‌ى كاتژمێره‌كانى كاره‌باى نیشتیمانى له‌گه‌رمیان ئه‌و شه‌پۆله گه‌رمایەیە كه هه‌رێمى گرتوه‌ته‌وه، چونكه بوه‌ته هۆى ئه‌وه‌ى له روى ته‌كنیكه‌وه گرفت دروست ببێت و به‌رهه‌مهێنان كه‌مببێته‌وه، كه به‌رهه‌م هێنان كه‌مبو به‌شى گه‌رمیانیش كه‌م ده‌بێته‌وه، ئه‌مه جگه له زۆرى خواستى هاوڵاتیان له‌سه‌ر كاره‌با.
وتیشى: له سه‌ره‌تاى مانگه‌وه تاوه‌كو ئێستا به‌شى گه‌رمیان 4.7%ـە كه ده‌كاته 125 بۆ 130 میگاوات، له كاتێكدا هه‌مو گه‌رمیان پێویستى به 250 مێگاواته بۆ ئه‌وه‌ى كاره‌باى به‌رده‌وامى هه‌بێت.
جه‌ختى له‌وه‌شكرده‌وه: له ئێستادا ده‌توانین 13 بۆ 15 كاتژمێر كاره‌با به هاوڵاتیان بده‌ین.
- دوایین بابەتەکان
-
هەواڵبەڕێوبەری ئاوی کەلار: پێوەری زیرەک رۆڵی نەبو لە کەمکردنەوەی بەفیڕۆدانی ئاو
-
-
هەواڵدژى ئه‌فسه‌رێكى ئێران شۆفێرانى مه‌رزی په‌روێزخان مانده‌گرن
-
-
هەواڵدواین زانیاریی لەبارەی سێ کادیرە دەستگیرکراوەکەی بەرەی گەل لە گەرمیان
-
-
راپۆرتتاڤگەیەک لە هۆشیاریی تەندروستی
-
-
هەواڵکارەبای گەرمیان: دانانی تاوەر لەناو زه‌وی زیندانیانی سیاسی بەدەست ئێمە نییە و شارەوانی بۆی دیارییکردوین
-
زۆرترین بینراوەکان
