دەنگ نێت

 

نوێنه‌رى مانگرتوانى قه‌زاى كفرى ده‌ڵێت: ئه‌و هێزه‌ى له‌سه‌ر به‌نداوى باوه‌شاسوار بو له‌لایه‌ن لیژنه‌یه‌كه‌وه‌ لابراون، جه‌خت له‌وه‌شده‌كاته‌وه‌ به‌م نزیكانه‌ خێوەتی مانگرتنەکەیان ‌لاده‌به‌ن.

 

عوسمان قه‌رتاچى، بۆ رادیۆى ده‌نگ وتى: لە ئێوارەی دوێنێوه‌ ئەو هێزە پێشمەرگەیەی کە لەسەر بەنداوی باوەشاسوار لە کفری جێگیرکرابو، گوازرایەوە و بڕیارە ئه‌مرۆش بە تەواوی شوێنەکەیان چۆڵ بکەن.

 

باسى له‌وه‌شكرد: گواستنەوەی ئەو هێزە یەکێک بو لە داواکارییه‌كانی مانگرتوانی قه‌زاكه‌، له‌سه‌ر فه‌رمانى بافڵ تاڵه‌بانى- سەرۆکی یەکێتی، به‌ لیژنه‌یه‌ك ئه‌و كاره‌ كراوه‌.

 

جه‌ختى له‌وه‌شكرده‌وه‌: له‌ ئاینده‌یه‌كى نزیكدا خێوەتەکەمان لاده‌به‌ین، چاوه‌ڕوانى ئه‌وه‌ین ئه‌و به‌ڵێنانه‌ى كه‌ پێمان دراوه‌ بزانین جێبه‌جێ ده‌كرێت یاخود نا، بۆیه‌ لابردنیمان دواخستوه‌.