دەنگ نێت

 

نوێنەری مانگرتوانی قەزای کفری ده‌ڵێت: وەزیری خوێندنی باڵای هەرێم بەڵێنی پێداوین سەرۆکایەتی زانکۆی پۆلیتەکنیکی گەرمیان لە قەزای کفری بێت.

 

دوای 24 رۆژ له‌ مانگرتنی هاوڵاتیانی قه‌زای كفری، تائێستا چوار وه‌زیری حكومه‌تی هه‌رێم سه‌ردانی خێوەتگه‌ی مانگرتوه‌كانیان كردوه‌ كه‌ دواینیان د. ئارام محەمەد قادر، وەزیری خوێندنی باڵا و توێژینەوەی زانستی بو.

 

عوسمان قەتارچی، نوێنەری مانگرتوانی قه‌زای كفری، بە رادیۆی دەنگی وت: وەزیری خوێندنی باڵا جەختی لەوە کردەوە و به‌ڵێنی دا به‌ ئێمه‌، کە سەرۆکایەتی زانکۆی پۆلیتەکنیکی گەرمیان لە قەزای کفری دەبێت و تەنها دیارییکردنی شوێنەکەی ماوە.

 

باسی لەوەشکرد: هێنانی سێ پەیمانگا و ٢ کۆلێژی زانکۆی پۆلیتەکنیکی گەرمیان بۆ قەزای کفری لە رێکاردایە کە بڕیاری کۆتایی لەسەر بدرێت.