دەنگ نێت

 

لەبەرامبەر ویستی بایکۆت و مانگرتنی فەرمانبەرانی بەڕێوبەرایەتییەکەدا، بەڕێوبەری بەڕێوبەرایەتی ئاوی کەلار دەڵێت: قابیلی قبوڵ نیە لەم دۆخەدا ئاو نەدەینە هاوڵاتیان.

 

سامان رەحیم، بەڕێوبەری ئاوی کەلار بە رادیۆی دەنگی راگەیاند: فەرمانبەران حەقی خۆیانە مانبگرن و دوای موچەی خۆیان بکەن، بەڵام لەگەڵ ئەوەشدا ئەرکی ئێمە جیاوازە، لەم دۆخەدا ناکرێت هاوڵاتیان بێئاوبکەی و ئەمە قابیلی قبوڵ نیە.

 

وتیشی: هاوڵاتیەکی زۆر پەیوەندی بەموچەوە نیە، مانگانە حەقی کرێی ئاوەکەی خۆیشی دەدات، هەروەها بابەتی دواکەوتنی موچە شتێکی سەرتاسەریەو پەیوەندی نیە بەبەڕێوبەرایەتیەکەی ئێمەوە تاوەکو بەدەوام نەکردنی بەڕێوبەرایەتیەکەی ئێمە چارەسەر بێت.

 

جه‌ختى له‌وه‌شكرده‌وه‌: هه‌ركاتێك فه‌رمانگه‌كانى كه‌لار به‌گشتى بایكۆتى ده‌وامیان راگه‌یاند، ئێمه‌ش فه‌رمانگه‌كه‌مان داده‌خه‌ین.

 

بەوتەی بەڕێوبەری بەڕێوبەرایەتی ئاوی کەلار، ئەو هاوڵاتیانەی پارەیەکی زۆری ئاو قەرزارن، بۆشمان نییە ئاوەکەیان لێبگرینەوە، چ جای لێی ببڕین!

 

ئه‌مه‌ش له‌ كاتیكدایه‌ بەشێک لە فەرمانگەکانی گەرمیان بایکۆتی دەوامی فەرمیان کردوە بەهۆی وەرنەگرتنی موچەی دو مانگیانەوە.