دەنگ نێت

 

بەپێی بڵاوکراوەکانی هاتوچۆی گەرمیان لە ماوەی ۲٤ کاتژمێری رابردودا ۲۰ کەس بە روداوەکانی هاتوچۆ لە کەلار بریندار بون.

 

روداوی یەکەمیان لەرێگەی پشتێنەی کەلار ئۆتۆمبێلێکی جۆری نیسان ناڤارا کۆنترۆڵی لەدەستداو وەرگەڕا، چوار برینداری لێ کەوتەوە.

 

روداوی دوەمیان لەسەر رێگای کەلار- گردەگۆزینە بەهۆی پێکدادانی دو ئۆتۆمبێل جۆری تۆیۆتا پیکاب -نیسان مینی پاس ۱۰ کەس برینداربون نۆ کەسیان مناڵ بون.

 

روداوی سێیەمیان بەهۆی پێکدادانی دو ئۆتۆمبێلی جۆری نیسان  ناڤارا -مان تەنکەر، بەرامبەر گەڕەکی ئازادی، شۆفێر و دو سەرنشینی نیسان ناڤاراکە برینداربون.

 

روداوی چوارەمیان لەنێوان دو ئۆتۆمبێلی جۆری تۆیۆتا هایلۆکس و مسیۆبۆشی لانسەر لە بەرامبەر بەڕێوەبەرایەتی پەروەردەی گەرمیان، شۆفێر و دو سەرنشینی لانسەرەکە برینداربون کە یەکێکیان مناڵە.

 

روداوەکانی هاتوچۆ لە گەرمیان روی لە زیادبون کردوە، بەرپرسانی هاتوچۆش هۆکارەکەی بۆ تیژڕەوی پابەندنەبونی شۆفێران بە یاساکانی هاتوچۆ دەگەڕێننەوە.