دەنگ نێت

 

بەڕێوبەرایەتی کارەبای گەرمیان ئاشکرای دەکات سەرباری ئەوەی بەهۆی وەرزی هاوینەوە خواست لەسەر کارەبا زیادی کردوە، بەڵام رۆژانە ۱٥ بۆ ۱٦ کاژمێر کارەبای نیشتیمانی دەدەنە هاوڵاتیان.

 

ئالان ئەرکان، وتەبێژی بەڕێوبەرایەتی گشتی کارەبای گەرمیان، بە رادیۆی دەنگی راگەیاند: سنوری گەرمیان لە ئێستادا رێژەی ٤.۷٪ـی بەرهەمی کارەبای هەرێمی بەردەکەوێت، دوێنێ ناوچەکەمان ۱۲٨ مێگاوات کارەبای وەرگرتوە لەو کارەبایەی هەرێم بەرهەمی هێناوە.

 

وتیشی: بەو بەرهەمە، رۆژانە ۱٥ بۆ ۱٦ کاتژمێر کارەبای نیشتیمانی دەدرێتە هاوڵاتیان.

 

وتەبێژی کارەبای گەرمیان دانی بەوەشدانا لەچاو چەند هەفتەیەک ‌پێش ئێستا رێژەی پێدانی کارەبای نیشتیمانی کەمیکردوە، ئەمەشی گەڕاندەوە بۆ "بەرزبونەوەی پلەکانی گەرما و زیادبونی خواست لەسەر کارەبا لە سنورەکە".