دەنگ نێت

 

وته‌بێژى به‌ڕێوبه‌رایه‌تى هاتوچۆى گه‌رمیان ده‌ڵێت: له‌ ماوه‌ى 6 مانگى سه‌ره‌تاى ئه‌مساڵدا له‌ كۆى 220 روداوى هاتوچۆ 93 روداویان ماتۆڕسكیل بوه‌، كه‌ بونەته‌ هۆى گیان له‌ده‌ستدانی 6 هاوڵاتى.

 

سامان عه‌لى، وته‌بێژى به‌ڕێوبه‌رایەتی هاتوچۆى گه‌رمیان، له‌ ميانه‌ى به‌رنامه‌ى رۆژێكى ترى رادیۆى ده‌نگدا باسى له‌وه‌كرد: له‌ كۆى 220 روداوى هاتوچۆ له‌ گه‌رمیان له‌ ماوه‌ى 6 مانگى سه‌ره‌تاى ئه‌مساڵدا، 93 روداویان ماتۆڕسكیل بوه‌.

 

بەمەش رێژەی ئەو روداوانەی ماتۆڕسکیل پێکیهێناوە، 42% بوە.

 

وتەبێژی هاتوچۆی گەرمیان، باسی لەوەشکرد: به‌هۆى ئه‌و روداوانه‌وه‌ هه‌ر له‌و ماوه‌یه‌دا 6 هاوڵاتى گیانیان له‌ده‌ستداوه‌ كه‌ 4 كه‌سیان لێخوڕبوه‌ و 2 كه‌سیشیان سه‌رنشین بوه‌، هاوكات 96 هاوڵاتىیش برینداربون.

 

له‌ باره‌ى ئه‌وه‌ى تاچه‌ند ئه‌و ماتۆرسكیلانه‌ كه‌ روداوى هاتوچۆیان كردوه‌ تۆماركراون، سامان عەلی جه‌ختى له‌وه‌كرده‌وه‌: هه‌مو ئه‌و ماتۆڕسكیلانه‌ بێ سه‌رەتان و ساڵنامه‌یان نیه.