دەنگ نێت

 

به‌ڕێوبه‌رى نه‌خشه‌دانانی ئاوەدانیی گەرمیان ئاماژە بەوەدەکات هەندێک شوێن لە ناحیەی باوەنور کراون بە نیشتەجێبون و شیاو نین، بۆ چارەسەری ئەو کێشانەش لیژنەیەکیان پێکهێناوە.

 

لەماوەکانی رابردودا، سه‌رۆكى شاره‌وانى ناحیه‌ى باوه‌نور رایگه‌یاند: داوایان له‌ نه‌خشه‌دانانى گه‌رمیان كردوه‌ بۆ ئه‌وه‌ى نه‌خشه‌یه‌كى بنه‌ڕه‌تى بۆ ناحیه‌كه‌ دروست بكەن کە تائێستا نەخشەی نییە و ئەمەش کێشەی دروستکردوە.

 

لایخۆشییەوە، سامان مه‌حمود- به‌ڕێوبه‌رى به‌ڕێوبه‌رایه‌تى نه‌خشه‌دانانى ئاوه‌دانیی گه‌رمیان، بۆ رادیۆى ده‌نگ وتى: ناحیه‌ى باوه‌نور نه‌خشه‌ كه‌رتیه‌كانى په‌سندكراوه‌ و روپێوییه‌كى ورد و درشتى بۆ كراوه‌ ئه‌گه‌رچى هه‌ندێك گرفت هه‌یه‌ له‌ ناحیه‌كه‌دا، بۆ ئه‌و مه‌به‌سته‌ش لیژنه‌یه‌كمان پێكهێناوه‌ بۆ ئه‌وه‌ى سه‌ردانێكى مه‌یدانى ناحیه‌كه‌ بكات.

 

وتیشى: ئامانج له‌ دروستكردنى لیژنه‌كه‌ بۆ ئه‌وه‌یه‌ سه‌ردان بكه‌ن و نه‌خشه‌یه‌كى بنه‌ڕه‌تى بۆ ناحیه‌كه‌ دروست بكرێت و گرێبدرێت به‌و كێشه‌و گرفتانه‌ى كه ‌هه‌یه‌ له‌ ناحیه‌كه‌دا، یه‌كێك له‌و كێشانه‌ ئه‌وه‌یه‌ هه‌ندێك شوێن به‌رزى تیایه‌ و كراوه‌ به‌ نیشته‌جێبون كه‌ گونجاو نیه‌،‌ ئه‌و شوێنانه‌ى بۆ نیشه‌جێبون ناشێت گۆڕانكارى به‌سه‌ردا بێت.