دەنگ نێت

 

لە گەرمیان بڕیار لە بارەی دروستکردنی یەکەی کرێنشینان دەدرێت و لە هەریەک لە قەزاکانی کفری و کەلار و ناحیەی رزگاری یەکە دروست دەکرێت، وەبەرهێنانی گەرمیانیش دەڵێت: رێکارەکان تەواو بون چاوەڕێی وەبەرهێن دەکەین بۆ وەرگرتنی پڕۆژەکان.

 

هونەر مەحمود، بەرێوبەری گشتی وەبەرهێنانی گەرمیان، بە رادیۆی دەنگی وت: بڕیار لەبارەی دروستکردنی یەکەی کرێنشینان لە گەرمیان دراوە کە ژمارەین ١٥٠٠ یەکەیە لە سنورەکە.

 

وتیشی: لە قەزای کەلار ٩٠٠ یەکە لەسەر روبەری ٢٣ دۆنم زەوی دروست دەکرێت، لە قەزای کفری ٣٦٠ یەکە و هەروەها لە ناحیەی رزگاریش ٢٤٠ یەکە دروست دەکرێت و زەویەکانیان بۆ دیاریکراوە.

 

لەبارەی دەستپێکردن بەکارەکانی پرۆژەکە، وتی: سەرجەم ڕیکارەکانیان تەواو بوە، چونکە لە سەرەتاوە لەلایەن خودی دەستەی وەبەرهێنانەوە مۆڵەت بەپڕۆژەکە دراوە، بەڵام ئیستا تەنها چاوەڕێی ئەوەین  وەبەرهێنێک ئەرکی جێبەجێکردنی پرۆژەکە بگرێتە ئەستۆ.