دەنگ نێت

 

به‌ڕێوبه‌رى نه‌خشه‌دانانى گه‌رمیان ده‌ڵێت: له‌ كۆى 14 سه‌رۆكایه‌تى شاره‌وانى به‌ قه‌زاى كه‌لاریشه‌وه‌ هیچ یه‌كێكیان نەخشەی بنەڕەتی (ماسته‌رپلان)ـى نیه‌، وه‌كخۆى ده‌ڵێت: ئه‌مه‌ش كارى ئێمه‌ى قورس كردوه‌.

 

سامان مه‌حمود، بۆ رادیۆى ده‌نگ وتى: دۆخى نه‌خشه‌دانان له‌ گه‌رمیان باش نیه‌، هۆكاره‌كه‌شى ئه‌وه‌یه‌ كه‌ له‌ كۆى 14 سه‌رۆكایه‌تى شاره‌وانى به‌ كه‌لاریشه‌وه‌ هیچ یه‌كێكیان ماسته‌رپلانیان نیه‌، ئه‌مه‌ش وایكردوه‌ كۆى ئه‌و كێشه‌ و گرفتانه‌ى كه‌ هه‌یه‌ روبه‌ڕوى نه‌خشه‌دانان ببێته‌وه‌.

 

جه‌ختى له‌وه‌شكرده‌وه‌: ئه‌گه‌ر ماسته‌رپلان له‌ به‌رده‌ست نه‌بێت كێشه‌كان زۆر قوڵتر ده‌بنه‌وه‌.

 

هێماى بۆ ئه‌وه‌شكرد: ئه‌مه‌ش وایكردوه‌ ئه‌ركى ئێمه‌ زۆر قورس بێت.

 

نەخشەی بنەڕەتی یەکێکە لە کێشە سەرەکیەکانی شارەوانییەکان، لەماوەکانی رابردودا حکومەتی هەرێم ویستی بە پرۆژەیەک دەست بە دروستکردنی نەخشەکە بکات، بەڵام قەیرانی دارایی رێگر بو لە دەستپێکردن و تەواوکردنی.