ده‌نگ نێت

 

به‌ڕێوبه‌رى په‌روه‌رده‌ى گه‌رمیان ده‌ڵێت: له‌ تاقیكردنه‌وه‌ گشته‌یاكانى پۆلى دوانزه‌ى ئاماده‌ى رێژه‌ى ده‌رچون كه‌مه‌ به‌جۆرێك له‌ قۆناغى زانستى 246 خوێندكار ده‌رچوه‌ كه‌ ده‌كاته‌ له‌ %7 و له‌ قۆناغى وێژه‌یش 300 خوێندكار ده‌رچوه‌ كه‌ ده‌كاته‌ له‌ %26.

 

دارا ئه‌حمه‌د سه‌مین، به‌ڕێوبه‌رى گشتى په‌روه‌رده‌ى گه‌رمیان، بۆ رادیۆى ده‌نگ وتى: له‌ تاقیكردنه‌وه‌ گشتیه‌كانى پۆلى دوانزه‌ى ئاماده‌یی بۆ ئه‌مساڵ 5 هه‌زار و 171 خوێندكار به‌شداربون، له‌ قۆناغى زانستیش 3300 خوێندكار به‌شداربون له‌و رێژه‌یه‌ ته‌نها 246 خوێندكاریان ده‌رچون كه‌ ده‌كاته‌ له‌ %7، له‌ قۆناغى وێژه‌یش 1652 خوێندكار به‌شداربون له‌و رێژه‌یه‌ 300 خوێندكار ده‌رچون كه‌ ده‌كاته‌ له‌ %26، هاوكات له‌ پیشه‌یه‌كانیش 219 خوێندكار به‌شداربون له‌و رێه‌یه‌ش 46 خوێندماریان ده‌رچون كه‌ ده‌كاته‌ له‌ %18.

 

باسى له‌وه‌شكرد: رێژه‌ى ده‌رچون بۆ ئه‌مساڵ كه‌مه‌، چونكه‌ رێژه‌یه‌كى زۆرى خوێندكار چه‌ند وانه‌یه‌كى هێشتوه‌ته‌وه‌ بۆ خولى دوه‌م، بۆیه‌ ئه‌م رێژه‌یه‌ له‌ ئێستادا هه‌ژمار ناكرێت.

 

جه‌ختى له‌وه‌شكرده‌وه‌: ئه‌گه‌ر ئێمه‌ بمانه‌وێت به‌راوردێك بكه‌ین ئه‌وه‌ ده‌بێت له‌ خولى دوه‌م ئه‌و رێژه‌یه‌ هه‌ژماربكه‌ین كه‌چه‌نده‌.