دەنگ نێت

 

باژێروانى مه‌كۆى كفرى بزوتنه‌وه‌ى گۆران ده‌ڵێت: سه‌باره‌ت به‌ ئاڵوگۆڕكردنى پۆسته‌ حكومیه‌كان له‌ نێوان یه‌كێتى و گۆڕان چه‌ند كۆبونه‌وه‌یه‌ك كراوه‌، بۆ ئه‌و مه‌به‌سته‌ش چاوه‌ڕوانى یه‌كێتین بۆ‌ بڕیارى كۆتایی.

 

رۆڤان سه‌روه‌ت، بۆ رادیۆى ده‌نگ وتى: ئێمه‌ له‌گه‌ڵ یه‌كێتى نیشتمانى ئه‌و لیژنه‌ دانوستانه‌ى كه‌ پێكهێنراوه لەنێوانمان‌ 2 بۆ 3 كۆبونه‌وه‌ی کردوە له‌بارە‌ى ئاڵوگۆڕكردنى ئه‌و پۆستانه‌ى كه‌ هى گۆڕانه‌ و له‌لاى یه‌كێتى ماوه‌ته‌وه‌.

 

وتیشى: بۆ ئه‌و مه‌به‌سته‌ چاوەڕوانى وه‌ڵامى كۆتایی یه‌كێتین‌.

 

هێماى بۆ ئه‌وه‌شكرد: له‌ كۆبونه‌وه‌كانیشماندا تیشكخراوه‌ته‌ سه‌ر ئه‌و دۆخه‌ داراییه‌ى كه‌ سنورى پارێزگاى سلێمانى و هه‌ڵه‌بجه‌ و ئیداره‌ سه‌ربه‌خۆكانى گه‌رمیان و راپه‌ڕینى گرتوه‌ته‌وه‌.