‌

دەنگ نێت

 

نزیكه‌ى مانگێك ده‌بێت به‌نزینى 690 دینارى له‌ گەرمیاندا نه‌ماوه‌، لێپرسراوێکی بە‌ڕێوبه‌رایه‌تى نه‌وت و كانزاكانى گه‌رمیانیش ده‌ڵێت: به‌نزینى 690 دینارى و 800 دینارى كراون‌ به‌یه‌ك و به‌ 750 دینار له‌ بازاڕدا ده‌فرۆشرێته‌وه‌.

 

سالار مه‌حمود، لێپرسراوى هۆبه‌ نه‌وتیه‌كان له‌ به‌ڕێوبه‌رایه‌تى نه‌وت و كانزاكانى گه‌رمیان بۆ رادیۆى ده‌نگ وتى: ئێمه‌ له‌ ماوه‌كانى پێشتردا 2 جۆر به‌نزینمان هه‌بو (690 دینارى بۆ پاس و ته‌كسى بو هاوكات 800 دیناریمان هه‌بو بۆ گشتى بو)، به‌ڵام بۆ ماوه‌ى مانگێك ده‌بێت ئه‌و دو جۆره‌ به‌نزینه‌ كراون به‌ یه‌ك و له‌لایه‌ن كۆمپانیاوه‌ بوه‌ به‌ 730 دینار و له‌ بازاڕدا به‌ 750 دینار ده‌فرۆشرێته‌وه‌.

 

وتیشى: له‌ ئێستادا ته‌نها 2 به‌نزینخانه‌ داواى ئەو بانزینە ده‌كه‌ن، ئه‌وانیش: (برایان و شار)ن لە قەزای کەلار‌، له‌گه‌ڵ ئه‌وه‌شدا هه‌ر به‌نزینخانه‌یه‌ك بیەوێت بۆیان ده‌نێرین، چونكه‌ بڕه‌كه‌ى دیاریكراو نیه‌ و كراوه‌یه‌.