دەنگ نێت

 

سەرۆکی شارەوانی کەلار ئاشکرای دەکات داواى فراوانكردنى شارى كه‌لاریان كردوە به‌ نزیكه‌ى 8 هه‌زار دۆنم زه‌وى، مامەڵەکەیشی له‌ وه‌زاره‌تى كشتوكاڵه‌ به‌مه‌به‌ستى په‌سه‌ندكردنى. 

 

ئه‌كره‌م ساڵح، بۆ رادیۆى ده‌نگ وتى: فراوانكردنى قه‌زاى كه‌لار به‌ چه‌ند قۆناغێكه‌، قۆناغى یه‌كه‌ى ئه‌و پرۆژانه‌ى سه‌ر روبارى سیروانه‌ كه‌ زیاتر له‌ 3 هه‌زار دۆنم زه‌وى له‌خۆده‌گرێت و كارى باشى له‌سه‌ر كراوه‌.

 

وتیشى: قۆناغى دوه‌مى به‌ ئاراسته‌ى باكورى كه‌لاره‌ كه‌ نزیكه‌ى 8 هه‌زار دۆنم زه‌وییه‌، لایه‌نه‌ په‌یوه‌ندیداره‌كانى وه‌كو: كشتوكاڵ و نه‌خشه‌دانان، پلان و به‌رنامه‌ى خۆیان تێدا داناوه‌، نه‌خشه‌شى بۆ كراوه‌ و له‌ وه‌زارەتی كشتوكاڵه‌ به‌مه‌به‌ستى په‌سه‌ندكردنى. 

 

هێماى بۆ ئه‌وه‌شكرد: ئێمه‌ وه‌كو پلان وتومانه‌ كه‌ پێویسته‌ چى تێدا بكرێت، ئه‌گه‌رنا نه‌مانوتوه‌ ئه‌و زه‌ویانه‌ بخرێته‌ سه‌ر شاره‌وانى كه‌لار، بۆیه‌ چاوه‌ڕوانى ره‌زامه‌ندى وه‌زاره‌تى كشتوكاڵین.