دەنگ نێت

 

لێپرسراوی مەڵبەندی گەرمیانی یەکێتی ئاماژە بەوەدەدات کە پۆستە حکومییەکانی گەرمیان پێویستیان بە گۆڕانکارییە، لەبارەی ئەنجامدانی ئاڵوگۆڕیش لە پۆستەکانی نێوان خۆیان و گۆڕان، رونکردنەوە دەدات.

 

میقداد شێخ بەهائەدین، لێپرسراوی  مەڵبەندی ١١ـی رێکخستنی گەرمیانی یەکێتی نیشتمانی کوردستان، بە رادیۆی دەنگی وت: لە ئاستی حکومەتدا بەشێک لە پۆستەکان پێویستیان بە گۆڕانکارییە، هەوڵی گۆڕانکاری دەدەین کە پێویست بو، بەڵام هیشتا هیچ شتێکی فەرمیمان ئەنجام نەداوە.

 

لە حکومەتی خۆجێی گەرمیاندا، یەکێتی و گۆڕان و یەکگرتو و کۆمەڵ بەشدارن، قسە لەسەر ئەوەش هەیە کە یەکێتی پێشنیازی وەرگرتنی هەندێک لەو پۆستانەی کردبێت کە لەلای گۆڕانن.

 

لەمبارەیەوە، میقداد شێخ بەهادین، وتی: بەگونجاوی دەزانین بۆ هەر گۆڕانکاری و پۆستێک کە ئێمە وەک یەکێتی ویستمان لەسەر بێت، گفتوگۆ لەگەڵ بزوتنەوەی گۆڕان بکەین، ئەوانیش بەهەمان شێوە، بەڵام بۆ ئەو گۆڕانکاریانە، هێشتا گفتوگۆی فەرمیمان ئەنجامنەداوە.