دەنگ نێت

 

له‌ گه‌رمیان ئه‌نجومه‌نێك پێكدەهێنرێت به‌ناوى ئه‌نجومه‌نى پاراستنى مافه‌كانى مناڵان، به‌ڕێوبەرێکیش دەڵێت: كارى ئه‌م ئه‌نجومه‌نه‌ به‌دواداچون كردنه‌ بۆ كێشه‌ و گرفته‌كانی مناڵان و داتاكردنى.

 

ژیلوان عادل، به‌ڕێوبه‌رى گشتى به‌ڕێوبه‌رایه‌تى چاودێرى و گه‌شه‌پێدانى كۆمه‌ڵایه‌تى گه‌رمیان، بۆ رادیۆى ده‌نگ وتى: له‌ ئه‌مساڵدا ئه‌نجومه‌نێكمان دروست كردوه‌ به‌ناوى ئه‌نجومه‌نى پاراستنى مافه‌كانى مناڵان، ئه‌م ئه‌نجومه‌نه‌ نوێنه‌رى هه‌مو ئه‌و فه‌رمانگانه‌ى تێدایه‌ كه‌ په‌یوه‌ندیدارن به‌ مافه‌كانى مناڵانەوە.

 

وتیشى: ئه‌م ئه‌نجومه‌نه‌ یه‌كه‌م كۆبونه‌وه‌ى خۆى ئه‌نجامداوه‌ له‌مساڵدا، بۆ ئاگاداربون له‌ دۆخ و كێشه‌كانى مناڵان و به‌دواداچون كردن بۆی و داتاكردنى.

 

هێماى بۆ ئه‌وه‌شكرد: جگه‌ له‌م ئه‌نجومه‌نه‌ 4 سه‌نته‌رى پاراستنى مناڵانیشمان هه‌یه‌ له‌ قه‌زاكانى كه‌لار و كفرى و خانه‌قین و ناحیه‌ى رزگارى.